NAXÇIVAN MUXTAR RESPUBLİKASI

HAVA VƏ EKSTREMAL İDMAN NÖVLƏRİ FEDERASİYASI

Naxçıvan Muxtar Respublikası Hava və Ekstremal İdman Növləri Federasiyasının və Naxçıvan Muxtar Respublikası Gənclər və İdman Nazirliyinin təşkilatçılığı ilə Naxçıvan Muxtar Respublikasında fəaliyyət göstərən ali və orta ixtisas təhsili müəssisələrinin qız və oğlan tələbələri arasında süni divara dırmanma idman növü üzrə Naxçıvan MR birinciliyi keçirilmişdir. Keçirilən birincilikdə qızlar arasında Naxçıvan Texniki Kollecinin tələbələri Əsgərova Zəhra və Məmmədova Aysun müvafiq olaraq birinci və üçüncü, Naxçıvan Tibb Kollecinin tələbəsi Günel Cəlalova isə ikinci yerə, oğlanlar arasında Naxçıvan Tibb Kollecinin tələbələri Rasim Rustəmov birinci, Şöhlət Rüstəmzadə ikinci və Oruc Allahquliyev isə üçüncü yerə layiq görülmüşlər. Qaliblər fəxri fərmanlar, diplomlar və hədiyyələrlə təltif olunmuşlar.

Naxçıvan Muxtar Respublikası Hava və Ekstremal İdman Növləri Federasiyasının, Naxçıvan Muxtar Respublikası Gənclər və İdman Nazirliyinin və Naxçıvan Muxtar Respublikası Təhsil Nazirliyinin təşkilatçılığı ilə "Zərərli vərdişlərə yox deyək, həmişə sağlam olaq!" devizi altında Uzunoba Su Anbarının ətrafında 6 kilometr məsafədə velosiped idman növü üzrə Naxçıvan Muxtar Respublika birinciliyi keçirilmişdir. Keçirilən birincilikdə Şərur rayonundan Aqşin Hüseynov birinci, Hüseyn İsayev ikinci və Naxçıvan şəhərindən Məhəmməd Novruzlu üçüncü yerə layiq görülmüşlər. Qaliblər fəxri fərmanlar, diplomlar və hədiyyələrlə təltif olunmuşlar.