NAXÇIVAN MUXTAR RESPUBLİKASI

HAVA VƏ EKSTREMAL İDMAN NÖVLƏRİ FEDERASİYASI

"Zərərli vərdişlərə yox, həmişə sağlam olaq" devizi altında spelio- mağara idman yürüşü üzrə Naxçıvan Muxtar Respublika birinciliyi keçirilmişdir.

 

Naxçıvan Muxtar Respublikası Hava və Ekstremal İdman Növləri Federasiyasının və Naxçıvan Muxtar Respublikası Gənclər və İdman Nazirliyinin birgə təşkilatçılığı ilə  gənclər arasında "Zərərli vərdişlərə yox, həmişə sağlam olaq" devizi altında spelio- mağara idman yürüşü üzrə Naxçıvan Muxtar Respublika birinciliyi keçirilmişdir. Mağara idman yürüşü Şahbuz Dövlət Təbiət Qoruğu ərazisindən Fərhad evinədək 4000 metr məsafədə təşkil edilmişdir. Komandaların nəticəsinə görə Ordubad rayonu birinci, Kəngərli rayonu ikinci və Naxçıvan şəhəri üçüncü yerə layiq görülmüşdür. Fərdi nəticələrə görə Nağıyev Əmrah birinci, Seyidov Miryusif ikinci və Əsgərov Ənnağı üçüncü yerin mükafatçısı olmuşlar. Qalib komandalara və idmançılara diplomlar, fəxri fərmanlar və qiymətli hədiyyələr təqdim olunmuşdur.

Gənclər arasında spelio (mağara) turizm üzrə muxtar respublika birinciliyi keçirilib.

03 aprel 2021-ci il tarixdə Gənclər arasında spelio (mağara) turizm üzrə muxtar respublika birinciliyi keçirilib.
Naxçıvan MR Gənclər və İdman Nazirliyi ilə Hava və Ekstremal İdman Növləri Federasiyasının birgə təşkil etdiyi yarışda ilk mərhələnin qalibləri - şəhər və rayon birinciliklərində fərqlənən 24 idmançı mübarizə aparıb. İştirakçılar yarışın reqlamentinə uyğun olaraq Şahbuz Dövlət Təbiət Qoruğundan Fərhad Evinədək 4500 metrlik məsafə qət ediblər. Muxtar respublikada hava va ekstremal idman növlərinin tanıdılması, inkişaf etdirilməsi və bu sahədə kütləviliyin təmin olunması məqsədilə keçirilən yarışın yekun nəticələrinə əsasən Əmrah Nağıyev birinci pillədə qərarlaşıb. Miryusif Seyidov 2-ci, Ənnağı Əsgərov isə 3-cü olub.
İlk üçlükdə qərarlaşanlara diplom və hədiyyələr verildi.