NAXÇIVAN MUXTAR RESPUBLİKASI

HAVA VƏ EKSTREMAL İDMAN NÖVLƏRİ FEDERASİYASI

Şərur rayonunda “Zərərli vərdişlərə yox deyək, həmişə sağlam olaq!” devizi altında ümumtəhsil məktəblərinin oğlan şagirdləri arasında velosiped idman növü üzrə rayon birinciliyi keçirilib.

Yarışda 8 məktəbdən 16 idmançının iştirak etdiyi birinciliyin əsas məqsədi ekstremal idman növlərini inkişaf etdirmək, məktəbliləri zərərli vərdişlərdən uzaqlaşdırmaq, yeniyetmələr arasında velosiped idman növünün kütləviliyinə nail olmaqdır. Yekun nəticələrə əsasən Şərur rayon 1№li tam orta məktəbin şagirdi Həsənov Röyal finiş xəttinə rəqiblərindən daha öndə gələrək yarışın qalibi olub. Zeyvə kənd tam orta məktəbin şagirdləri Rzayev Nicat və Əsədov Həsən müvafiq ardıcıllıqla yarışı ikinci və üçüncü sırada tamamlayıb. Sonda qaliblərə təşkilatçıların diplom və hədiyyələri təqdim olunub.

15 mart 2022-ci il tarixdə Muxtar Respublika Stadionunda “Zərərli vərdişlərə yox deyək, həmişə sağlam olaq!” devizi altında Naxçıvan şəhər tam orta məktəblərinin oğlan şagirdləri arasında velosiped idman yarışı üzrə şəhər birinciliyi keçirilib.

 Hava və Ekstremal İdman Növləri Federasiyası, Gənclər və İdman İdarəsi və Təhsil Şöbəsinin birgə təşkilatçılığı ilə keçirilən birincilikdə 15 tam orta məktəbdən 30 idmançı iştirak edib. Məqsəd məktəbliləri zərərli vərdişlərdən kənarlaşdırmaq və velosiped idman növünə cəlb etməkdən ibarət olan birinciliyin yekununa əsasən Nihad Əhmədov (16№-li tam orta məktəb) I yerə, Abbasəli Nəcəfli (10№-li tam orta məktəb) II yerə, Mirhəmid Seyidzadə (7№-li tam orta məktəb) isə III yerə layiq görülüblər. Sonda qalib və fərqlənən idmançılara diplom və fəxri fərmanlar təqdim olunub. Qeyd edək ki, ilk üçlükdə qərarlaşan idmançılar 30 mart 2022-ci il tarixdə keçiriləcək muxtar respublika birinciliyində Naxçıvan şəhərini təmsil edəcəklər.