NAXÇIVAN MUXTAR RESPUBLİKASI

HAVA VƏ EKSTREMAL İDMAN NÖVLƏRİ FEDERASİYASI

08 noyabr 2018-ci il tarixdə Şərur rayon Tənənəm kəndinin ərazisində, dəniz səviyyəsindən 1500 metr yüksəklikdə yerləşən Qazma mağarasına 9 noyabr "Dövlət Bayrağı Günü”nə həsr olunmuş ekstremal idman yarışı üzrə Naxçıvan Muxtar Respublika birinciliyi keçirilib. Gənclər və İdman Nazirliyinin, Təhsil Nazirliyinin və Naxçıvan Muxtar Respublikasının Hava və Ekstremal İdman Növləri Federasiyasının təşkilatçılığı ilə keçirilən birincilikdə ali və orta ixtisas təhsili müəssisələrindən və Şərur rayon  fizika-riyaziyyat təmayüllü liseydən 80-nə yaxın tələbə və şagird iştirak edib. Yarışdan əvvəl Gənclər və İdman Nazirliyinin, Təhsil Nazirliyinin əməkdaşı və Naxçıvan Muxtar Respublikasının Hava və Ekstremal İdman Növləri Federasiyasının sədr müavini Azər Məmmədov çıxış edərək keçirilən yarışın  mahiyyətindən danışıblar.

Yarış əsasnaməyə uyğun olaraq 3000 metr məsafə üzrə təyin olunub. Yekunda oğlanlar arasında Naxçıvan Dövlət Texniki Kollecinin tələbəsi Mehdiyev Əkbər birinci, Naxçıvan Universitetinin tələbəsi Babayev Abbas ikinci, Naxçıvan Tibb Kollecinin tələbəsi Əliyev Xadim üçüncü yerin, qızlar arasında isə  Naxçıvan Dövlət Universitetinin tələbəsi Nazlıcan Çakır birinci,  Naxçıvan Dövlət Texniki Kollecinin tələbələri  Abbasova Telli ikinci,  Babayeva İlkanə üçüncü yerin qalibi olublar. Yarışın qaliblərinə təşkilatçılar tərəfindən diplom və hədiyyələr təqdim olunub.

Kəngərli rayon tam orta məktəblərinin şagirdləri arasında 9 noyabr "Dövlət Bayrağı Günü”nə həsr olunmuş ekstremal idman yarışı üzrə rayon birinciliyi keçirilib. Kəngərli Rayon Gənclər və İdman İdarəsinin, rayon Təhsil Şöbəsinin və Naxçıvan Muxtar Respublikasının Hava və Ekstremal İdman Növləri Federasiyasının Kəngərli Rayon Bölməsinin təşkilatçılığı ilə keçirilən birincilikdə 8 məktəbdən 60 şagird iştirak edib. Yarışdan əvvəl Gənclər və İdman İdarəsinin rəisi Vüsal Hüseynov və Naxçıvan Muxtar Respublikasının Hava və Ekstremal İdman Növləri Federasiyasının sədr müavini Azər Məmmədov çıxış edərək keçirilən tədbirin mahiyyətindən danışıblar.

Yarış əsasnaməyə uyğun olaraq 2000 metr məsafə üzrə təyin olunub. Yekunda oğlanlar arasında Qarabağlar kənd 2 nömrəli tam orta məktəbin şagirdləri Mütəlov Sunay I, Qarabağlar kənd 1 nömrəli tam orta məktəbin şagirdləri Cəlilov Sinan II, Qarabağlar kənd 2 nömrəli tam orta məktəbin şagirdi Təhmin Hacıyev III yerin, qızlar arasında isə Qarabağlar kənd 1 nömrəli tam orta məktəbin şagirdləri Rzayeva Aydan I yerə, Hüseynova Bülbül, Cəfərova Lalə isə ardıcıl olaraq iki və üçüncü yerin qalibi olublar. Yarışın qaliblərinə təşkilatçılar tərəfindən diplom və hədiyyələr təqdim olunub.